2020 jyly naýryz aiynda elimizde koronavirýspen aýyrǵandar anyqtalǵannan keiin jáne virýstyń tiri shtamyn alǵannan keiin bir apta ótken soń institýt ǵalymdary koronavirýsqa qarsy qazaqstandyq vaktsina jasaýdy qolǵa aldy. Bul týraly Ortalyq kommýnikatsiialar qyzmetinde ótken «Qazcovid-in qazaqstandyq vaktsinasy týraly» brifingide aityldy, dep habarlaidy QazAqparat.
«Bizdiń 60 jyldan astam ýaqyt tarihy bar institýtymyz Jambyl oblysy, Qordai aýdany, Otar aýylynyń mańyndaǵy 40-áskeri bazada ornalasqan. Qaýipti jáne asa qaýipti shtamdardy zertteýmen ainalysatyn osyndai instittýtar kóp turǵyny bar eldi mekenderden alshaq ornalasýy kerek. Bul jerde myqty ǵalymdar, virýsologtar, biotehnologtar 60 jyldan astam ýaqyt boiy vaktsina jasaýmen ainalysyp keledi. Búgingi tańda osy institýttyń ǵalymdary 60-tan astam ártúrli vaktsina men test júielerin oilap taýyp, qoldanysqa engizdi», - deidi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
Onyń aitýynsha, 2020 jyly naýryz aiynda elimizde koronavirýspen aýyrǵandar anyqtalǵannan soń jáne virýstyń tiri shtamyn alǵannan keiin bir apta ótken soń institýt ǵalymdary koronavirýsqa qarsy qazaqstandyq vaktsina jasaýdy qolǵa aldy.
«Bir ýaqytta bes platformada vaktsina jasaý qolǵa alyndy, sebebi osynyń ishinen barynsha tiimdisin tańdap alýymyz kerek boldy. Qýanyshqa orai, biz jasaǵan alǵashqy QazCOVID-in vaktsinasy 2020 jyly mamyr aiynda daiyn boldy. Al 15 mamyrda resmi túrde tirkelip, Dúniejúzilik densaýlyq saqtaý uiymynyń saityna tirkeldi. Budan basqa taǵy 4 vaktsina jasalýda», - deidi ol.
