2020 جىلى ناۋرىز ايىندا ەلٸمٸزدە كوروناۆيرۋسپەن اۋىرعاندار انىقتالعاننان كەيٸن جەنە ۆيرۋستىڭ تٸرٸ شتامىن العاننان كەيٸن بٸر اپتا ٶتكەن سوڭ ينستيتۋت عالىمدارى كوروناۆيرۋسقا قارسى قازاقستاندىق ۆاكتسينا جاساۋدى قولعا الدى. بۇل تۋرالى ورتالىق كوممۋنيكاتسييالار قىزمەتٸندە ٶتكەن «Qazcovid-in قازاقستاندىق ۆاكتسيناسى تۋرالى» بريفينگٸدە ايتىلدى, دەپ حابارلايدى قازاقپارات.
«بٸزدٸڭ 60 جىلدان استام ۋاقىت تاريحى بار ينستيتۋتىمىز جامبىل وبلىسى, قورداي اۋدانى, وتار اۋىلىنىڭ ماڭىنداعى 40-ەسكەري بازادا ورنالاسقان. قاۋٸپتٸ جەنە اسا قاۋٸپتٸ شتامداردى زەرتتەۋمەن اينالىساتىن وسىنداي ينستيتتۋتار كٶپ تۇرعىنى بار ەلدٸ مەكەندەردەن الشاق ورنالاسۋى كەرەك. بۇل جەردە مىقتى عالىمدار, ۆيرۋسولوگتار, بيوتەحنولوگتار 60 جىلدان استام ۋاقىت بويى ۆاكتسينا جاساۋمەن اينالىسىپ كەلەدٸ. بٷگٸنگٸ تاڭدا وسى ينستيتۋتتىڭ عالىمدارى 60-تان استام ەرتٷرلٸ ۆاكتسينا مەن تەست جٷيەلەرٸن ويلاپ تاۋىپ, قولدانىسقا ەنگٸزدٸ», - دەيدٸ بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنىڭ باس ديرەكتورى كٷنسۇلۋ زاكاريا.
ونىڭ ايتۋىنشا, 2020 جىلى ناۋرىز ايىندا ەلٸمٸزدە كوروناۆيرۋسپەن اۋىرعاندار انىقتالعاننان سوڭ جەنە ۆيرۋستىڭ تٸرٸ شتامىن العاننان كەيٸن بٸر اپتا ٶتكەن سوڭ ينستيتۋت عالىمدارى كوروناۆيرۋسقا قارسى قازاقستاندىق ۆاكتسينا جاساۋدى قولعا الدى.
«بٸر ۋاقىتتا بەس پلاتفورمادا ۆاكتسينا جاساۋ قولعا الىندى, سەبەبٸ وسىنىڭ ٸشٸنەن بارىنشا تيٸمدٸسٸن تاڭداپ الۋىمىز كەرەك بولدى. قۋانىشقا وراي, بٸز جاساعان العاشقى QazCOVID-in ۆاكتسيناسى 2020 جىلى مامىر ايىندا دايىن بولدى. ال 15 مامىردا رەسمي تٷردە تٸركەلٸپ, دٷنيەجٷزٸلٸك دەنساۋلىق ساقتاۋ ۇيىمىنىڭ سايتىنا تٸركەلدٸ. بۇدان باسقا تاعى 4 ۆاكتسينا جاسالۋدا», - دەيدٸ ول.
