QR Ulttyq banki «Este qalar oqiǵalar men birtýar adamdar» seriiasynan QAZAQSTANNYŃ ASTANASY – NUR-SULTAN kollektsiialyq monetalaryn satylymǵa shyǵarady, dep habarlaidy "Ult aqparat".
Monetalardy 28 sáýirden bastap kazcoins.nationalbank.kz internet-dúkeni arqyly satyp alýǵa bolady. Ol úshin qoldanýshylar tirkelip, jeke kabinet ashýǵa tiis.
Shaqanyń nominaly - 1 000 teńge. Jalpy massasy - 62,2 gramm, onyń 46,2 gramy 925/1000 synamaly kúmisten, 16 gramy 999/1000 synamaly altynnan turady. Daiyndaý sapasy - «proof». Diametri - 50 mm. Shyǵarylǵan dana sany – 1000.
Monetalar Qazaqstan Respýblikasynyń búkil aýmaǵynda tólemderdiń barlyq túri boiynsha qabyldaýǵa, sondai-aq eldegi barlyq bankte bank shottaryna esepke alynýǵa, aýdarylýǵa, usaqtaýǵa jáne aiyrbastaýǵa jatady.
Monetalar kádesyi oramda shyǵarylady jáne Qazaqstan Ulttyq bankiniń memlekettik tildegi, orys jáne aǵylshyn tilderindegi nómirlik sapa sertifikatymen jabdyqtalǵan.
Kollektsiialyq monetalar Qazaqstan teńge saraiynda daiyndaldy.
