2026 jylǵy shildede Geely Galaxy EX5 EM-i Qazaqstanda eń kóp satylǵan gibrid kólik atandy. Qazaqstandyq avtobiznes qaýymdastyǵynyń (QABQ) derekterine sáikes, bir aida osy modeldiń 255 danasy satylǵan. Bul maýsym aiyndaǵy kórsetkishten shamamen 60%-ǵa kóp.
Jyl basynan beri Geely Galaxy EX5 EM-i kóliginiń satylymy 910 birlikke jetti. Suranystyń artýy qazaqstandyqtardyń gibridti kúshtik qondyrǵylary bar kólikterge degen qyzyǵýshylyǵynyń jalpy kúsheigenin kórsetedi. Mundai kólikter qala ishinde únemdilikti, al alys saparlarda júris qorynyń mol bolýyn úilestirýge múmkindik beredi.
Geely Galaxy 2025 jyly qazaqstandyq Allur avtokólik kompaniiasynyń portfeline endi. Al EX5 EM-i modeliniń óndirisi Qostanaidaǵy zaýytta jolǵa qoiyldy. Bul model Qazaqstanda óndirisi bastalǵan alǵashqy jeńil gibrid kólik boldy.
Geely Galaxy EX5 EM-i tolyq janarmai bagy men qýattalǵan akkýmýliator arqyly 1003 shaqyrymǵa deiin júre alady. Onyń ishinde 100 shaqyrymǵa deiingi qashyqtyqty tek elektr qýatymen júrip ótýge bolady. Aralas tsikldegi ólshengen otyn shyǵyny shamamen 100 shaqyrymǵa 2,4 litrdi quraidy. Al kólikti turaqty túrde qýattamai paidalanǵan kezde bul kórsetkish shamamen 6–6,3 litrge jetedi.
Elektr qozǵaltqyshynyń qýaty 218 at kúshin quraidy. Sondai-aq kólik qaýipsizdik júieleri keshenimen, júrgizýshige arnalǵan elektrondy kómekshilermen jáne tsifrlyq fýnktsiialarmen jabdyqtalǵan.
«Geely Galaxy kólikterine qyzyǵýshylyqtyń artýy olardyń tehnologiialylyǵymen ǵana emes, satyp alýdyń qoljetimdi sharttarymen de bailanysty. Klientter úshin arnaiy baǵalar, bastapqy jarnasyz nesie baǵdarlamalary jáne Trade-in baǵdarlamasy boiynsha satyp alý múmkindigi qarastyrylǵan. Geely Galaxy EX5 EM-i kóliginiń arnaiy usynys boiynsha baǵasy 12 099 000 teńgeden bastalady», – dep habarlady kompaniia.
Shildedegi nátije modeldiń gibridter segmentinde birinshi orynǵa shyǵýyna múmkindik berdi. Sonymen qatar balamaly kúshtik qondyrǵylary bar jergilikti óndiristegi kólikterdiń Qazaqstan naryǵyndaǵy pozitsiiasyn nyǵaitty.
