Qaraǵandy oblysynda júk kóliginiń qazaqstandyq nómirin Grýziianykimen jasyrǵan 35 jastaǵy júrgizýshi ustaldy. Sot ony bir jylǵa kólik basqarý quqyǵynan aiyryp, ákimshilik qamaýǵa aldy, dep habarlaidy ult.kz.
Polisia.kz málimetinshe, oqiǵa 7 qazanda Astana – Qaraǵandy tasjolynyń 111-shaqyrymynda, Osakarovka kenti mańynda bolǵan. Politsiiaǵa QAJ júiesi arqyly DAF júk kóliginde jalǵan nómirler bolýy múmkin ekeni týraly aqparat túsken.
Tekserý barysynda kóliktiń shynaiy qazaqstandyq nómirleriniń ústine Grýziianyń memlekettik tirkeý nómirleri ornatylǵany anyqtaldy. Júk kóligi arnaiy turaqqa qoiylyp, júrgizýshige qatysty ákimshilik hattamalar toltyryldy.
Politsiia málimetinshe, jyl basynan beri oblysta jalǵan nómir paidalanǵan 87 júrgizýshi anyqtalǵan.
