Ulttyq statistika biýrosynyń málimetinshe, 2026 jylǵy maýsymda Qazaqstanda 167 878 avtokólik esepke qoiyldy. Bul mamyr aiymen salystyrǵanda 13,7%-ǵa kóp, dep habarlaidy ult.kz.
Esepke qoiylǵan kólikterdiń basym bóligin jeńil avtomobilder qurady. Olardyń úlesi 87,4%-ǵa jetti. Sondai-aq júk kólikteri – 5,7%, tirkemeler – 2,4%, mototsiklder – 1%, avtobýstar – 0,9%, al ózge kólik túrleri 2,6%-dy qurady.
Qozǵaltqysh kólemi boiynsha maýsym aiynda tirkelgen kólikterdiń 34,5%-ynyń qozǵaltqysh kólemi 1500–2000 tekshe santimetr aralyǵynda boldy.
Otyn túrine qarai eń kóp tirkelgeni – benzinmen júretin kólikter. Olar 136,2 myń birlikti nemese jalpy tirkelgen kólikterdiń 81,1%-yn qurady. Sonymen qatar:
- dizel otynymen júretin – 10,8 myń;
- aralas otyn túrin paidalanatyn – 11,2 myń;
- elektr qýatymen júretin – 2,9 myń;
- gazben júretin – 895 kólik tirkeldi.
2026 jylǵy 1 shildedegi jaǵdai boiynsha Qazaqstandaǵy tirkelgen avtokólikterdiń jalpy sany 6 mln 25,9 myńǵa jetti. Onyń ishinde:
- jeńil avtomobilder – 5,05 mln (83,9%);
- júk kólikteri – 493,7 myń (8,2%);
- tirkemeler – 262,3 myń (4,4%);
- avtobýstar – 89,5 myń (1,5%);
- mototsiklder – 74,2 myń (1,2%).
Óńirler arasynda eń iri avtopark Almaty qalasynda tirkelgen – 733,3 myń kólik. Ekinshi orynda Almaty oblysy tur, munda 646,3 myń avtokólik esepte tur.
