Qazaqstanda eńbek naryǵyndaǵy jumyspen qamtý deńgeii ósip keledi. 2026 jyldyń II toqsanyndaǵy halyqty jumyspen qamtý boiynsha júrgizilgen zertteý nátijesine sáikes, el ekonomikasynyń túrli salalarynda 9,4 mln adam jumys isteidi, dep habarlaidy ult.kz Ulttyq statistika biýrosyna silteme jasap.
Onyń ishinde 7,3 mln adam jaldamaly jumys istese, 2,1 mln adam ózin-ózi jumyspen qamtyǵandar sanatyna jatady.
Jumyspen qamtylǵandardyń eń kóp úlesi saýda salasyna tiesili — 16,8%. Odan keiin:
- bilim berý — 13,3%;
- ónerkásip — 12,4%;
- aýyl sharýashylyǵy — 10,5%;
- kólik jáne qoimalaý — 7,1%;
- qurylys — 6,8%;
- densaýlyq saqtaý jáne áleýmettik qyzmet kórsetý — 6,6%.
2025 jyldyń II toqsanymen salystyrǵanda, birqatar salada jumyspen qamtylǵandar sany aitarlyqtai artqan.
Eń joǵary ósim jyljymaityn múlikpen jasalatyn operatsiialar salasynda tirkeldi — 37 myń adamǵa.
Sondai-aq bilim berý salasynda jumyspen qamtylǵandar sany 31,1 myń adamǵa, densaýlyq saqtaý salasynda 21,2 myń adamǵa ósken.
Óner, oiyn-saýyq jáne demalys salasynda bul kórsetkish 15,1 myń adamǵa, kásibi, ǵylymi jáne tehnikalyq qyzmette 7,7 myń adamǵa, al qarjy jáne saqtandyrý salasynda 7,4 myń adamǵa artty.
