29 shilde men 9 tamyz aralyǵynda Astanada alǵash ret «Bolashaq oiyndary – 2026» halyqaralyq mýltisporttyq týrniri ótedi. Bul – kibersportty, dástúrli sport túrlerin jáne zamanaýi tehnologiialardy bir arnaǵa toǵystyratyn jańa formattaǵy halyqaralyq jarys, dep habarlaidy ult.kz QR týrizm jáne sport vitse-ministri Serik Jarasbaevqa silteme jasap.
«Bolashaq oiyndarynyń» basty ereksheligi – biyl jarystyń klýbtyq formatta ótýi. Iaǵni munda ulttyq quramalar emes, halyqaralyq klýbtar baq synaidy. Bir komandanyń quramynda ártúrli memleketterdiń sportshylary óner kórsete alady. Al fidjital distsiplinalarda sportshylar aldymen virtýaldy keńistikte synǵa túsip, keiin jarysty naqty sport alańynda jalǵastyrady», – dedi spiker baspasóz konferentsiiasy barysynda.
Elimizde ótetin týrnir aiasynda segiz distsiplina boiynsha jarystar ótedi. Búginde 24 elden 400 jýyq sportshy keldi.
«Bolashaq oiyndary – 2026» týrniri aiasynda jarystar 8 distsiplina boiynsha ótedi: fidjital fýtbol, fidjital basketbol, fidjital jekpe-jek, fidjital shýter, fidjital bi, Dota 2, Mobile Legends: Bang Bang jáne PUBG: Battlegrounds. Barlyq jarystar elordadaǵy tórt iri sport nysanynda uiymdastyrylady: «Qazaqstan» jeńil atletikalyq sport kesheninde, Jaqsylyq Úshkempirov atyndaǵy Jekpe-jek saraiynda, BEELINE Arena Ulttyq tennis ortalyǵynda jáne «Barys Arenada».
QR týrizm jáne sport vitse-ministri Serik Jarasbaev búginde sport nysandary jarystardy qabyldaýǵa tolyqtai daiyn ekenin atap ótti.
«Týrnirdiń jalpy júlde qory demeýshilik qarajat esebinen 4 mln 650 myń AQSh dollaryn quraidy. Onyń ishinde Dota 2 jáne PUBG: Battlegrounds distsiplinalarynyń árqaisysyna 1 mln AQSh dollarynan júlde qory qarastyrylǵan», – dedi spiker OKQ alańynda ótken baspasóz konferentsiiasynda.
Kibersport – búginde búkil álemdegi eń tanymal baǵyttardyń biri, dedi QR týrizm jáne sport vitse-ministri Serik Jarasbaev OKQ alańynda ótken baspasóz konferentsiiasynda.
«Bolashaq oiyndary» Qazaqstanda kibersportty damytýǵa múmkindik beredi. Búginde kibersport álemniń 100-den astam elinde qarqyndy damyp keledi jáne Qazaqstan da osy baǵytta kóshbasshy elderdiń qatarynan kórinýge tiis. Sondyqtan biz «Bolashaq oiyndaryn» ótkizip otyrmyz. Qazirgi tańda kibersport jastar arasynda úlken qyzyǵýshylyqqa ie. Bul Memleket basshysy belgilegen Qazaqstandy aldaǵy úsh jylda tsifrlyq derjavaǵa ainaldyrý mindetin júzege asyrýǵa da yqpal etedi. Sondyqtan jastardy zamanaýi ári qyzyqty formattar arqyly tartý mańyzdy. Sonyń biri – fidjital oiyndary», – dedi spiker.
