Shanhaida ótken Qazaqstan–Qytai joǵary deńgeidegi iskerlik dóńgelek ústeli aiasynda «Kazakh Tourism» ulttyq kompaniiasy Qytaidyń jetekshi týristik kompaniialary – China Tourism Group jáne Trip.com Group-pen strategiialyq kelisimder jasasty. Qujattarǵa Prezident Qasym-Jomart Toqaevtyń Qytaiǵa jumys sapary barysynda qol qoiyldy, dep habarlaidy ult.kz.
Kelisimderdiń basty maqsaty – Qazaqstanǵa investitsiia tartý, týristik infraqurylymdy damytý jáne elimizdiń týristik áleýetin halyqaralyq naryqta ilgeriletý.
Eń mańyzdy qujattardyń biri – China Tourism Group-pen «Qytai–Qazaqstan transshekaralyq týristik marshrýtyn iske asyrý jónindegi strategiialyq yntymaqtastyq týraly» birlesken málimdeme. Kelisim aiasynda jalpy quny 1 milliard AQSh dollarynan asatyn investitsiialyq jobalardy birlesip ázirleý josparlanyp otyr.
Jobalar qonaqúiler salýdy, týristik nysandar men qoǵamdyq keńistikterdi damytýdy, vizit-ortalyqtar men sholý alańdaryn ashýdy, jol boiyndaǵy servisti jetildirýdi, týristik navigatsiiany engizýdi jáne perspektivaly týristik aimaqtardyń injenerlik infraqurylymyn jańǵyrtýdy qamtidy.
Sonymen qatar taraptar týristik aýmaqtardy damytýǵa arnalǵan master-josparlar ázirlep, halyqaralyq tájiribe almasýǵa jáne Qytaidyń iri kompaniialaryn Qazaqstandaǵy týristik jobalarǵa tartýǵa kelisti.
Sapar barysynda Trip.com Group-pen de úsh jyldyq strategiialyq yntymaqtastyq týraly kelisimge qol qoiyldy. Qujat Qazaqstannyń týristik baǵyttaryn, eń aldymen Qytai naryǵynda, birlesken marketingtik naýqandar arqyly tanytýǵa baǵyttalǵan.
Taraptar tsifrlyq marketing, týristerdiń suranysyn taldaý, halyqaralyq jarnama jáne arnaiy týristik ónimderdi ázirleý arqyly Qazaqstannyń týristik brendin ilgeriletýdi josparlap otyr.
«Kazakh Tourism» ulttyq kompaniiasynyń basqarma tóraǵasy Talǵat Ǵazizovtyń aitýynsha, bul kelisimder Qazaqstan men Qytai arasyndaǵy týristik yntymaqtastyqty jańa deńgeige shyǵaryp, álemdik deńgeidegi týristik infraqurylymdy damytýǵa jáne elimizge keletin sheteldik týrister sanyn arttyrýǵa múmkindik beredi.
Kazakh Tourism málimetinshe, Qytai Qazaqstan úshin týrister kóp keletin eń perspektivaly naryqtardyń biri bolyp qala beredi. Kólik qatynasynyń damýy men ekijaqty ekonomikalyq bailanystardyń nyǵaiýy týristik aǵynnyń odan ári ósýine yqpal etedi.
