Euronews halyqaralyq mediajelisi qazaq tilindegi halyqaralyq jańalyqtardyń iske qosylǵanyn jariialady, dep habarlaidy ult.kz.
Qazaq tili Euronews-tiń 14-shi negizgi habar taratý tili boldy.
Euronews Direktorlar keńesiniń tóraǵasy Pedro Vargas David Qazaqstan kompaniianyń óńirdegi strategiialyq seriktesi ekenin atap ótip, qazaq tilindegi nusqanyń iske qosylýy mediajeliniń tildik ártúrlilikti keńeitý jáne halyqaralyq jýrnalistikany qoljetimdi etý jónindegi strategiiasyn kórsetetinin aitty.
Pedro Vargas David myrza men Euronews ujymyna alǵys bildirgen QR Mádeniet jáne aqparat birinshi vitse-ministri Qanat Ysqaqov bul shynaiy strategiialyq áriptestiktiń kórsetkishi dep baǵalady.
Foto: Ortkom
"Bul bizdiń memleketimizdiń halyqaralyq arenaǵa shyǵýynyń birden bir kózi. Biz osy maqsatta óz jumysymyzdy budan ári jalǵastyramyz. Bizge sheteldik arnalar men áriptesterimiz kelgen kezde memlekettik tildi basty mindet retinde qoiamyz. Qazaq tiliniń qoldanys aiasy men dárejesi jyldan jylǵa ósip bara jatyr. Sondyqtan básekege qabiletti el bolý úshin memlekettik tilimiz álemdik media keńistikte bolýy tiis", - dedi birinshi vitse-ministr.
Foto: Ortkom
Euronews Direktorlar keńesiniń tóraǵasy Pedro Vargas David óz sózinde Euronews Frantsiianyń litsenziiasyn alyp otyrǵan sheteldik arna retinde Qazaqstanda jumys isteitinin, bizdiń eldiń ýákiletti organdary seriktes ekenin aitty.
"Bul tek kelisimsharttarǵa negizdelgen qarym qatynas emes, bul bizdiń óz bastamamyz arqyly júzege asyp otyrǵan is", - dedi Euronews Direktorlar keńesiniń tóraǵasy.
Redaktsiialyq saiasat turǵysynan qazaq redaktsiiasynyń táýelsizdigi qalai qamtamasyz etiledi? Kontentti kim bekitedi? Bul suraqqa jaýap bergen Qanat Ysqaqov quzyrly mekeme tarapynan tek arnanyń zań aiasynda jumys isteýi ǵana qadaǵalanatynyn, eshqandai shekteý bolmaitynyn, shyǵarmashylyq jumysqa aralaspaitynyn jetkize kele:
"Media salasynyń eń joǵarǵy standarttary bolatyny sózsiz", - dedi Mádeniet jáne aqparat birinshi vitse-ministri.
Foto: Ortkom
Euronews Astana biýrosynyń jetekshisi Boian Brkich óz tájiribesimen bólisip bylai dedi:
"Men Qazaqstanda jumys istegen úsh jyldan astam ýaqyt ishinde eshkim menen bir ret te jazǵan mátinimdi kórsetýdi talap ketken joq. Bilik ókilinen de eshkim eshqandai qysym kórsetken emes. Biz keide "aqparatty qalai bersek qyzyqty bolady?" degen suraq tóńireginde kelisemiz. Biraq qalai jazý kerektigin eshkim eshqashan aitqan emes. Ondai jaǵdaiǵa biz de kelispes edik", - dedi Boian Brkich.
Búginde Euronews óz kontentin álemniń 160-tan astam elinde taratyp, shamamen 430 million úi sharýashylyǵyn qamtidy. Qazaq tilindegi habar taratýdyń iske qosylýy memlekettik tildi halyqaralyq aqparattyq keńistikte ilgeriletýge jáne qazaq tildi aýditoriianyń álemdik jańalyqtarǵa qoljetimdiligin keńeitýge múmkindik beredi.
