Qazaqstan Barysy-2021 týrniriniń jeńimpazy men júldegerleri belgili boldy, dep habarlaidy "Ult aqparat".
Osymen onynshy ret ótken balýandar básekesi de máresine jetti. Sonymen Qazaqstan Barysy-2021 ataǵyn jáne 25 mln teńge, altyn belbeý men «taituiaq» júldeni Dáýren Nuralinov jeńip aldy. Onyń bapkerine 3 mln 500 myń teńge tabystaldy.
Kúmis belbeý iegeri Ǵalymjan Qyryqbaiǵa - 5 mln 500 myń teńge, onyń bapkerine 1 mln 800 myń teńge berildi.
Úshinshi oryn iegeri mańǵystaýlyq Nurdáýlet Jarylǵapovqa 1 mln 800 myń teńge buiyrdy. Qola belbeý úshin ótken beldesýde ol Aqtóbe oblysynyń úmiti Elaman Erǵalievti «taza jeńispen» utqan bolatyn.
Nurdáýlet Jarylǵapovtyń bapkeri 900 myń teńgeniń sertifikatyna ie boldy.
Jeńimpazdardy marapattaý saltanatynda Majarstan astanasynda dziýdodan ótken 2021 jylǵy álem chempionatynyń kúmis júldegeri Ǵusman Qyrǵyzbaevqa 1 mln teńgeniń sertifikaty tabystaldy.
