Prezident Ákimshiligi basshysynyń birinshi orynbasary Dáýren Abaev Memleket basshysy Qasym-Jomart Toqaevtyń Qazaqstan Barysy týrniriniń qatysýshylaryna arnalǵan quttyqtaý sózin oqyp berdi, dep habarlaidy "Ult aqparat".
«Qadirli sport súier qaýyp, qurmetti balýandar! Barshańyzdy Qazaqstan Barysy týriniriniń bastalýymen quttyqtaimyn. Qasterli táýelsizdigimizdiń mereili jylynda, elorda kúniniń qarsańynda, kúsh atasy Qajymuqannyń 150 jyldyǵyna orai ótkizilip jatqan bul saiystyń simvoldyq máni zor. Qazaqstan Barysy týrniri halqymyzdyń ejelden kele jatqan tól óneri – qazaq kúresi egemendik kezeńine qaita jańǵyrtty. Bul saiys babalardyń batyrlyq rýhy men jaýyngerlik sheberligi, urpaqtan-urpaqqa jalǵasyp kele jatqanyn ańǵartady. Sońǵy jyldary keń qanat jaiyp, jan-jaqty dáriptele bastaǵan qazaq kúresi qarqyndy damýda. Oǵan QR Turńǵysh Prezident – Elbasy Nursultan Nazarbaevtyń júdesi úshin ótetin Qazaqstan Barysy respýblikalyq týrnir zor úlesin keledi», - delingen Prezidenttiń quttyqtaý sózinde.
Memleket basshysynyń quttyqtaýynda qazaq kúresin jan-jaqty nasihattaýdyń arqasynda tól ónerimiz IýNESKO uiymynyń materialdyq emes mádeni muralardyń tizimine engenin atady.
«Dástúrge ainalǵan dúbirli doda tól ónerimizdi álemge tanytty. IýNESKO uiymy qazaq kúresin adamzattyń materialdyq emes mádeni murasynyń tizimine qosýy – osynyń aiqyn kórinisi. Balýandardyń óneri jastardyń sportqa qyzyǵýshylyǵyn oiatyp, óskeleń urpaqty otansúigishtik rýhta tárbieleýge jol ashady. Búgingi bairaqty básekede balýandarymyzǵa sáttilik tileimin. Ulttyq qundyqylyqtarymyz aishyqtala bersin», - dep jazylǵan Prezidenttiń quttyqtaý hatynda.
