Qazaqstan Áskeri-teńiz kúshteriniń burynǵy bas qolbasshysy Qanat Niiazbekov ustalyp, ýaqytsha ustaý izoliatoryna qamaldy. Sot onyń qamaýǵa alynýyna sanktsiia berdi, dep habarlaidy ult.kz.
Ishki ister ministrliginiń málimetinshe, Kaspii teńizindegi oqý-jattyǵý kezinde áskeri qyzmetshilerdiń qaza bolýyna qatysty qylmystyq isti tergeý barysynda qyzmetine salǵyrt qaraǵany úshin Qazaqstan Qarýly kúshteriniń Áskeri-teńiz kúshteriniń burynǵy bas qolbasshysy, 1-shi dárejeli kapitan Qanat Niiazbekov ustalyp, ýaqytsha ustaý izoliatoryna qamaldy.
Sottyń sanktsiiasymen ol qamaýǵa alyndy. Sotqa deiingi tergeý jalǵasyp jatyr.
Buǵan deiin Kaspiidegi áskeri qyzmetshilerdiń qazasyna bailanysty bes laýazymdy tulǵa ustalǵanyn jazǵanbyz.
Qanat Niiazbekov Qazaq KSR-iniń Semei oblysy Aiagóz qalasynda (qazirgi Abai oblysy) dúniege kelgen.
Almaty qalasyndaǵy B. Momyshuly atyndaǵy Respýblikalyq áskeri mektep-internatyn, Kaliningrad joǵary áskeri-teńiz ýchilishesin (F. F. Ýshakov atyndaǵy Baltyq áskeri-teńiz institýty) jáne Sankt-Peterbýrg qalasyndaǵy N. G. Kýznetsov atyndaǵy Áskeri-teńiz akademiiasyn támamdaǵan.
