"QazaqGaz" Ulttyq kompaniiasy" AQ birqatar kadrlyq taǵaiyndaýlar júrgizdi, - dep habarlaidy Tengrinews.kz tilshisi ulttyq kompaniianyń baspasóz qyzmetine silteme jasap.
Baspasóz qyzmeti málimetinshe, basqarma tóraǵasynyń áleýmettik-eńbek qatynastary jónindegi orynbasary bolyp Aqbar Tólegenov taǵaiyndalǵan. Ol Ulybritaniiada joǵary bilim alǵan, Warwick Business School, University of Warwick bitirgen, menedjmentte ǵylym bakalavry, marketing pen strategiiada ǵylym magistri, MVA dárejesi bar. Qarjy uiymdarynda, telekommýnikatsiia salasynda, sondai-aq munai-gaz sektorynyń kompaniialarynda úlken basshylyq tájiribesi bar.
"QazaqGaz" UK" AQ enshiles kompaniiasy "Intergaz Ortalyq Aziia" AQ basqarma tóraǵasy (bas direktory) bolyp Manas Tasybaev taǵaiyndalǵan. Ol Almaty temirjol kóligi injenerleri institýtynda injener-qurylysshy mamandyǵy boiynsha alǵan. Onyń otandyq gaz tasymaldaý salasynda eleýli tájiribesi bar. Bes jyldan astam ýaqyt boiy "QazTransGaz Aimaq" AQ bas direktory qyzmetin atqarǵan. Atyraý qalasynyń ákimi, Aqtóbe qalasy ákiminiń orynbasary qyzmetterin atqarǵan. Taǵaiyndalǵanǵa deiin QazaqGaz kompaniialar tobynyń qurylymyna kiretin QazaqGaz Qurylys JShS bas direktory bolǵan.
Sonymen qatar, "QazaqGaz" UK" AQ enshiles kompaniiasy "QazTransGaz Ónimderi" JShS bas direktory (basqarma tóraǵasy) bolyp Ernar Qulqybaev taǵaiyndalǵan. Onyń biznes qurylymdar men óndiristik kásiporyndardy basqarý boiynsha 30 jyldyq tájiribesi bar. Almaty halyq sharýashylyǵy institýtyn ekonomist mamandyǵy boiynsha bitirgen.
