Qazaq radiosy shekara mańyndaǵy 400-den astam aýylda habar taratýdy bastaidy, dep habarlaidy "Ult aqparat" Aqparat jáne qoǵamdyq damý ministrligine silteme jasap.
Qazaq radiosy-nyń 100 jyldyǵy men Qazaqstan Táýelsizdiginiń 30 jyldyǵyna orai 630 myńnan astam turǵyny bar Túrkistan, Jambyl jáne Shyǵys Qazaqstan oblystarynyń shekara mańyndaǵy 400-den astam aýyl otandyq radioarnalardyń habarlaryn tyńdaýǵa múmkindik alady.
«QR Aqparat jáne qoǵamdyq damý ministrligimen shekara mańyndaǵy aýdandarda Qazaqstannyń aqparattyq qaýipsizdigin qamtamasyz etý úshin radiostansalar jelisin keńeitý týraly sheshim ázirlendi. Qazaq radiosy baǵdarlamalaryn taratý basym tártippen júrgiziletin bolady. Bul jobany iske asyrý úshin QR shekara mańy aýmaqtarynda radiohabar taratýdyń memlekettik jelisin damytý jónindegi jol kartasy ázirlendi.
Jol kartasyna sáikes radiohabar taratý jelisin 2021 jyldan bastap 2024 jylǵa deiin tórt kezeńde damytý josparlanýda.
Qazirgi ýaqytta Ministrlikpen teleradio habarlaryn taratý úshin radiojiilik spektrin (RJS) bólý boiynsha konkýrs ótkizildi.
Ministrlikpen ótkiziletin konkýrsta 107 radiojiilik spektri bólindi. Onyń 89-y Qazaq radiosy, 18-i «Shalqar» radiosy úshin», delingen habarlamada.
Vedomstvonyń málimetinshe, radiojiilik berý 2022-2025 jyldarǵa arnalǵan QR shekara mańy aýmaqtarynda radiohabar taratýdyń memlekettik jelisin damytý jónindegi jol kartasynyń 1-kezeńine sáikes júzege asyryldy.
Biyl efirlik habar taratý boiynsha alǵashqy jáne eń aýqymdy radioarna - Qazaq radiosy 100 jyldyq mereitoiyn atap ótýde. Qazir Qazaq radiosy elimizdiń 89% aýmaǵynda habar taratady jáne Qazaqstannyń barlyq shekaralas aýdandaryn qamtýdy josparlap otyr.
