Shýchinskide jeke turǵyn úiden órt shyǵyp, onyń saldarynan qart erli-zaiypty qaza tapty. Politsiianyń aldyn ala málimetinshe, úidi 39 jastaǵy jergilikti turǵyn órtegen bolýy múmkin, dep habarlaidy ult.kz.
Oqiǵa 29 qyrkúiekke qaraǵan túni bolǵan. Aqmola oblysy TJD málimetinshe, órt 90 sharshy metr aýmaqty sharpyǵan.
Oqiǵa ornyna jetken órt sóndirýshiler tilsiz jaýdy aýyzdyqtady. Órtti sóndirý kezinde úi ishinen er adam men áieldiń denesi tabyldy.
Órttiń naqty shyǵý sebebi ázirge anyqtalyp jatyr.
Atalǵan fakti boiynsha Aqmola oblysy politsiia departamenti sotqa deiingi tergeýdi bastady. Politsiianyń habarlaýynsha, 39 jastaǵy kúdikti ustalyp, ýaqytsha ustaý izoliatoryna qamaldy.
Tergeý barysynda órttiń naqty mán-jaiy men kúdiktiniń áreketine quqyqtyq baǵa berilmek.
