Qatar Airways jáne Air Arabia halyqaralyq áýe kompaniialary Qazaqstanmen aradaǵy reisterdi qaita jandandyrdy. Bul týraly Indýstriia jáne infraqurylymdyq damý ministrliginiń baspasóz qyzmetinen málimet etti, dep habarlaidy QazAqparat.
«21 qańtardan bastap katarlyq «Qatar Airways» áýe kompaniiasy Doha – Almaty – Doha baǵytyndaǵy apta saiynǵy 2 reisti qaita jandandyrdy. Reister dúisenbi jáne juma kúnderi A-320 tipti áýe kemesimen oryndalady.
Al Birikken Arab Ámirlikteriniń «Air Arabia» áýe kompaniiasy 21 qańtardan bastap A–320/A–321 tipti áýe kemesimen seisenbi, beisenbi jáne senbi kúnderi Shardja-Almaty-Shardja baǵyty boiynsha ushýdy qaita bastady», - dep jazylǵan ministrliktiń aqparatynda.
Vedomstvonyń baspasóz qyzmetiniń habarlaýynsha, reister sanitarlyq-epidemiologiialyq talaptardy qatań saqtaý arqyly, áýe kompaniialardyń saitynda jariialanǵan keste boiynsha oryndalmaq.
