Qatar Airways Qazaqstanǵa áýe reisterin ashady. Bul jaiynda QR Indýstriia jáne ifraqurylymdyq damý ministrligi Azamattyq aviatsiia komitetiniń Facebook-paraqshasynda jariialanǵan aqparatta aitylǵan, dep habarlaidy "Ult aqparat".
Komitettiń málimetinshe, 2020 jyldyń 30 naýryzynda «Qatar Airways» áýe kompaniiasy Doha men Nur-Cultan qalalary, al 1 sáýirde Doha jáne Almaty qalalary arasynda alǵashqy reisti oryndaidy. Atalmysh reister Boing-787 (Dreamliner) úlgisindegi áýe kemesimen oryndalady.
«Qatar Airways» áýe kompaniiasy Doha qalasynan Nur-Sultan qalasyna aptasyna 2 ret jáne Almaty qalasyna aptasyna 4 ret jiilikpen Airbus -320 úlgisindegi áýe kemesimen turaqty jolaýshylar reisterin oryndaidy.
Jalpy, «Qatar Airways» áýe kompaniiasy Qazaqstanǵa aptasyna 6 ret turaqty túrde ushatyn bolady.
Eki el arasyndaǵy reisterge biletterdiń satylymyn bastaý 16 qańtarǵa josparlanǵan.
Reistiń ashylýy qazaqstandyq jolaýshylarǵa «Qatar Airways» áýe kompaniiasynyń 160 baǵytyna sapar shegýge múmkindik beredi.
«Qatar Airways» - Katardyń ulttyq áýe kompaniiasy, álemdegi eń iri áýe kompaniialardyń biri. Áýe kemeleriniń parki 233 ushaqtan turady. Basty tranzittik haby - Doha qalasyndaǵy Hamad halyqaralyq áýejaiy. 2018 jyldyń qorytyndysy boiynsha áýe kompaniiasy 29 mln jýyq jolaýshy tasymaldady.
