Almaty – Qorǵas trassasynda jol apatynan 3 adam qaza tapty, dep habarlaidy ult.kz.
Oblystyq politsiia departamentiniń habarlaýynsha, oqiǵa 23 maýsym kúni Almaty – Shelek – Qorǵas avtojolynyń 132-shaqyrymynda tirkelgen.
«Aldyn ala málimetterge sáikes, Haval avtokóliginiń júrgizýshisi qarsy baǵyttaǵy jolaqqa shyǵyp ketip, Audi 100 avtokóligimen soqtyǵysqan. Jol apaty saldarynan Audi avtokóliginiń júrgizýshisi men eki jolaýshysy alǵan dene jaraqattarynan oqiǵa ornynda kóz jumdy. Qazirgi ýaqytta qajetti tergeý áreketteriniń tolyq kesheni júrgizilýde. Kináli júrgizýshi qamaýǵa alyndy. Oqiǵanyń barlyq mán-jaiy men sebepteri anyqtalýda", – delingen habarlamada.
