Qaraǵandyda akademik E.A. Bóketov atyndaǵy Qaraǵandy ulttyq zertteý ýniversitetinde týberkýlezge bailanysty karantin engizildi degen aqparat áleýmettik jelide tarady, dep habarlaidy ult.kz.
Qaraǵandy oblysynyń sanitariialyq-epidemiologiialyq baqylaý departamenti oqý ornynda týberkýlezdiń bir jaǵdaiy tirkelgenin habarlady. Osyǵan bailanysty epidemiologiialyq tekserý júrgizilip jatyr.
Vedomstvo málimetinshe, infektsiia oshaǵynda aýrýdyń taralýyna jol bermeý úshin sanitariialyq-gigienalyq, emdeý-profilaktikalyq jáne epidemiiaǵa qarsy sharalar kesheni uiymdastyrylǵan.
Alaida áleýmettik jelilerde taraǵan naýqastar sany týraly aqparat resmi túrde rastalmaǵan.
Sondai-aq departament ýniversitette karantin engizilgenin joqqa shyǵardy.
«Qazybek bi aýdanynyń sanitariialyq-epidemiologiialyq baqylaý basqarmasy karantin engizý týraly qaýly shyǵarǵan joq», – delingen habarlamada.
Mamandar azamattardy tekserilmegen aqparatty taratpaýǵa shaqyrdy. Epidemiologiialyq tekserý aiaqtalyp, naqty derekter alynǵannan keiin onyń nátijesi jariialanady.
