Qaraǵandy mańynda poiyz jolaýshylarynyń zattaryn urlaǵan er adam 3 jyl 6 aiǵa bas bostandyǵyn shekteý jazasyna sottaldy. Sonymen qatar oǵan májbúrli eńbek pen probatsiialyq baqylaý taǵaiyndaldy, dep habarlaidy ult.kz.
Is materialdaryna sáikes, er adam 2024 jylǵy qyrkúiekte Qaraǵandydaǵy Durum dámhanasyna jeldetkish tereze arqyly kirip, iPhone 7 telefony men asúi pyshaǵyn urlaǵan. Shyǵyn 55 myń teńgeni quraǵan.
Bir aidan keiin ol «Kókshetaý – Qyzylorda» baǵytyndaǵy №056 poiyzyna urlyq jasaý maqsatynda otyrǵan. Qaraǵandy-Passajirskaia men Qarabas stantsiialary aralyǵynda bir tún ishinde tórt jolaýshynyń zattaryn urlaǵan. Úsh telefon men ishinde eki altyn júzigi bar áielder sómkesin alyp ketken. Jalpy shyǵyn 460 myń teńge bolǵan.
Qaraǵandy qalasynyń Álihan Bókeihan aýdandyq sotynda er adam kinásin moiyndap, keltirilgen shyǵyndy ótegen. Sot onyń shyn júrekten ókingenin jáne jazany aýyrlatatyn mán-jailardyń bolmaǵanyn eskerdi.
Sot ony birneshe ret urlyq jasaǵany úshin kináli dep tanyp, 3 jyl 6 aiǵa bas bostandyǵyn shekteý jazasyn taǵaiyndady.
Úkim zańdy kúshine endi.
