Qaraǵandyda qatty jel kezinde aǵashtyń butaǵy qulap, bes jasar bala qaza tapty. Qaiǵyly oqiǵa Álihan Bókeihan aýdanynda bolǵan, dep habarlaidy ult.kz.
Aldyn ala málimet boiynsha, aǵash kondominiým aýmaǵynda, turǵyn úidiń kireberisine jaqyn jerde ornalasqan. Jeldiń ekpini sekýndyna 18 metrge deiin jetken.
Oqiǵa ornyna jedel járdem qyzmetkerleri kelgen. Dárigerler balanyń ómirin saqtap qalýǵa tyrysqanymen, ókinishke qarai, ol kóz jumdy.
Qaraǵandy oblysynyń Politsiia departamenti atalǵan fakti boiynsha qylmystyq is qozǵalǵanyn habarlady.
«Qazirgi ýaqytta oqiǵanyń barlyq mán-jaiyn anyqtaýǵa baǵyttalǵan tergeý amaldary júrgizilip jatyr», – dep málimdedi politsiianyń baspasóz qyzmeti.
Quqyq qorǵaý organdary aǵashtyń jaǵdaiy, onyń qulaý sebepteri jáne jaýapty tulǵalarǵa qatysty barlyq mán-jaidy anyqtap jatyr.
Qaiǵyly jaǵdaiǵa bailanysty mamandar turǵyndarǵa qatty jel kezinde qaýipsizdik sharalaryn saqtaýdy eskertti. Ásirese eski jáne qýraǵan aǵashtardyń, úlken butaqtardyń, jarnamalyq qurylymdar men elektr jelileriniń mańynda júrmeý qajet.
Mamandar ata-analarǵa balalardy jel kúsheigen kezde qaraýsyz qaldyrmaýǵa keńes beredi. Kólikterdi de aǵashtar men berik bekitilmegen qurylymdardan alys qoiǵan jón.
Tergeý nátijesinde oqiǵanyń naqty sebepteri anyqtalady.
