Qaraǵandydaǵy akademik E. A. Bóketov atyndaǵy zertteý ýniversitetiniń úsh stýdentinen týberkýlez anyqtaldy. Áleýmettik jelide taraǵan 10 stýdent aýyrdy degen aqparat rastalmady, dep habarlaidy ult.kz.
Bul týraly Qaraǵandy qalasy Qazybek bi aýdany sanitariialyq-epidemiologiialyq baqylaý basqarmasy habarlady.
Basqarma basshysy Nurlan Aimaǵanbetovtiń aitýynsha, úsh stýdent ártúrli fakýltetterde oqidy jáne birge turmaidy. Biri biologiia-geografiia, ekinshisi shet tilderi, úshinshisi jýrnalistika fakýltetiniń stýdenti.
Alǵashqy jaǵdai 22 qyrkúiekte, ekinshisi 23 qyrkúiekte, úshinshisi 24 qyrkúiek keshke tirkelgen.
Qazir mamandar jaǵdailardyń ózara bailanysyn anyqtap jatyr. Naýqastarmen bailanysta bolǵan adamdar tekserilýde.
Ýniversitette dezinfektsiia júrgizilgen. Alaida týberkýlezdiń anyqtalýyna bailanysty karantin engizilmeidi.
