Arqalyq qalasynda jalpy quny 1,9 mlrd teńgeni quraityn «Y. Altynsarin atyndaǵy Arqalyq pedagogikalyq ýniversitetiniń ǵimaratyn rekonstrýktsiialaý» áleýmettik jobasy tolyq aiaqtaldy, dep habarlaidy ult.kz.
Joba prokýratýra organdarynyń zańsyz shyǵarylǵan aktivterdi qaitarý jónindegi júrgizip jatqan jumysy aiasynda Arnaiy memlekettik qordyń qarajaty esebinen iske asyryldy.
Rekonstrýktsiia nátijesinde shamamen 2,5 myń stýdenttiń bilim alýyna, ýniversitettiń professor-oqytýshylar quramynyń tiimdi eńbek etýine qolaily ári zamanaýi jaǵdai jasaldy. Sonymen qatar, bul joba óńirdiń áleýmettik-ekonomikalyq damýyna serpin berip, bilikti mamandar daiarlaý isin odan ári jetildirýge múmkindik beredi.
Biyl Qostanai oblysynda memleketke qaitarylǵan aktivter esebinen qalyptastyrylǵan Arnaýly memlekettik qordyń qarajaty arqyly 6 áleýmettik nysannyń qurylysy men rekonstrýktsiiasy josparlanǵan.
Olardyń qatarynda Arqalyq qalasyndaǵy áýejai, aýrýhana, perzenthana jáne stýdentter jataqhanasy, Jitiqara qalasyndaǵy emhana, sondai-aq Denisov aýdanynyń Pereleski aýylyndaǵy dárigerlik ambýlatoriia bar.
Qaitarylǵan aktivter qarajaty esebinen qarjylandyrylatyn áleýmettik jobalardyń iske asyrylý barysy Qostanai oblysy prokýratýrasynyń baqylaýynda.
