Keiin anyqtalǵandai qyz túngi klýbqa jigitimen birge kelgen, ony basqa qyzdan qyzǵanyp, kek alýdy uiǵaryp, osy jigitterge jaqyndaǵan.
"Meniń balam birinshi qabatta dostarymen otyrǵan, al kúdiktiler ekinshi qabatta bolǵan. Qyzdyń jigiti ulymdy qabyldaý bólmesine shaqyryp uryp, qyzǵa pyshaq alyp kelýge jumsaidy. Munyń bári videoda kórinedi. Qyz pyshaq alyp keledi, biraq jigitine bermeidi", - deidi marqumnyń anasy Ira Lokteva.
Sodan keiin qyz Evgenii Loktevke júgirip kelip pyshaq tyǵyp alǵan. Al qyzdyń jigiti qolyndaǵy pyshaǵyn julyp alyp, ainalasyndaǵylarǵa laqtyra bastaidy. Ekeýi de mas bolǵany anyq, deidi marqumnyń anasy. Qorqynyshty kadrlar baqylaý kamerasynyń obektivine túsken. Osydan keiin kúdiktiler kisi óltirgen qarýdy Qajymuqan stadionynyń mańyna tyǵyp ketken. Al 22 jastaǵy Evgenii Loktev esin jimai aýrýhanada kóz jumady.
"Videoda janjal týdyrǵan jigit ekeni, ol pyshaq ákelýdi suraǵany anyq kórinedi. Ne úshin? Múmkin, ol Evgeniidi ózi óltirgisi keldi, biraq qyz ony ol úshin jasady. Biraq nege ekeni belgisiz politseiler odan jaýap almaǵan, videony qaramaǵan", – deidi anasy.
Sol kúni keshke politsiia ekeýin de ustady. Boijetken ýaqytsha ustaý izoliatoryna qamaldy. Al jigitten jaýap alynyp, sol kúni bosatylǵan. Ol bul iske kýáger retinde qatysyp, sodan beri sotqa da, politsiiaǵa da kelmedi, deidi anasy. Ira Lokteva jergilikti politsiiany áreketsizdik pen nemqurailylyq tanytty dep aiyptaidy.
Al Shymkent prokýratýrasy "Halyq jáne bilik" baǵdarlamasynyń tikelei efirinde Ira Loktevanyń isin qaraýǵa ýáde berdi. Qalalyq sottyń baspasóz qyzmeti sot áli aiaqtalmaǵanyn alǵa tartyp, túsinikteme berýden bas tartty.
Irina Lokteva Memleket basshysy Qasym-Jomart Toqaevqa videoúndeý túsirip, jeke joldady. Ol is qaralyp, ulynyń ólimine kinálilerdiń barlyǵy ádil jazasyn alady dep úmittenedi.
