Qazaqstandyq, álemniń 40-raketkasy Iýliia Pýtintseva Rim WTA 1000 týrniriniń úshinshi ainalymyna shyqty, dep habarlaidy QazAqparat.
Jarysty irikteý saiystarynan bastaǵan Pýtintseva ekinshi ainalymda álemniń burynǵy birinshi, qazirgi 10-raketkasy, «Úlken dýlyǵa» týrniriniń eki márte jeńimpazy, ispaniialyq Garbine Mýgýrýsamen sheberlik baiqasty.
Buǵan deiin qarsylastar ózara eki ret kezdesip, ispaniialyq tennisshi basym túsken bolatyn.
Bul joly birinshi partiiada Mýgýrýsa basymdyq tanytty – 6:3.
Ekinshi sette ispaniialyq sportshy matchqa dop bergende, Pýtintseva qairat tanyta aldy – 5:5. Sosyn tai-breikte tarazy basyn aýdara bildi – 7:6 (7:4).
Úshinshi, sheshýshi partiiada qazaqstandyq tennisshi qarqynyn tipti údetti – 6:1.
Eki saǵat 17 minýtqa sozylǵan match barysynda Pýtintseva 10 breik-pointtyń teń jartysyn paidalandy. Qarsylasy 3 eis, 3 breikpen (6 breik-point) kózge tústi.
Pýtintseva júlde qory 2,5 mln eýrodan asatyn jarystyń shirek finalyna shyǵý úshin álemniń 7-raketkasy, Týnis ókili Ons Jabermen talasady.
Ótken aptada dál osyndai Madrid dodasynyń jeńimpazy atanǵan Jaber Rimde ekinshi ainalymda aýstraliialyq Aila Tomlianovichti 7:5, 6:2 esebimen utty.
Elena Rybakina úshinshi ainalymda álemniń 29-raketkasy shveitsariialyq Hil Belen Taihmanmen kortqa shyǵady. Madrid jarysynda Rybakina osy tennisshiden jeńilip qalǵan bolatyn.
