Estoniia syrtqy ister ministrligi Pýtinniń Narva qalasy týraly sózi úshin juma kúni Reseidiń osy eldegi elshisi Vladimir Lipaevty shaqyryp aldy, dep habarlaidy Azattyq.
Resei elshisimen áńgimelesken sheneýniktiń sózinshe, Pýtinniń Estoniianyń Narva qalasy týraly sózi Estoniiany alańdatady.
"Halyqaralyq quqyq pen memlekettik egemendikti, aýmaqtyq tutastyq qurmetteýge tyrysý ornyna Resei imperialistik piǵylyn tarihty burmalaý arqyly kúsheitip otyr. Mundai tásildiń sońy jaqsylyqpen aiaqtalmaidy, tipti Reseidiń ózine de qaýipti", - deidi Estoniia syrtqy ister ministrligi.
Estoniia Vladimir Pýtinniń Resei imperatory - I Petrdiń saiasaty týraly sózderine nazar aýdarǵan.
Beisenbi kúni jas kásipkerlermen kezdeskende Pýtin "I Petr Soltústiktegi soǵys jyldary Shvetsiia jerin tartyp alǵan joq, óz jerin qaitaryp aldy. Sankt-Peterbýrg qalasynyń irgetasy qalanǵan jerde "slaviandar fin-ýgor halyqtarymen qatar ómir súrgen. Bul jer Resei baqylaýynda bolǵan. Batys jaq ta solai, mysaly Narva jaq" dep sóilegen.
"Bizdiń mańdaiymyzǵa da jerimizdi qaitaryp alý jazylǵan siiaqty" – degen Pýtin qai jerdi meńzegenin naqty aitpaǵan.
1700 jyly Soltústik soǵys bastalǵan kezde Narva túbinde Resei áskeri shvedterden jeńilgen. Birneshe jyldan soń Narva bekinisin qaita alǵan. Soǵys sońynda Estoniia qazirgi jerimen qosa Resei imperiiasynyń baqylaýyna ótken. Tallindegi Kadriorg saiabaǵynda I Petrdiń mýzei úii bar.
Resei jer máselesi jóninde Estoniiaǵa resmi talap qoiǵan joq. Alaida negizinen orys tildi halyq turatyn Narvany tartyp alý nemese búkil Estoniiany basyp alý týraly Reseidiń "patriot" pýblitsisteriniń oqtyn-oqtyn málimdeitini bar.
