Foto: BBC
AQSh-tyń NBC telearnasynyń tilshisi 2026 jyly ýkraindar men reseilikterdiń qaza tabýyna bailanysty Pýtin ózin jaýapty sezine me degen saýal kóterdi, dep habarlaidy Ult.kz Adyrna.kz portalyna silteme jasap.
«Biz adamdardyń qaza tabýyna ózimizdi kináli dep sanamaimyz, óitkeni soǵysty biz bastaǵan joqpyz», -dep jaýap berdi Pýtin.
Ol bul tusta 2014 jyly Ýkrainada bolǵan «antikonstitýtsiialyq tóńkeris» týraly óz ustanymyn taǵy da qaitalady.
Pýtinniń aitýynsha, Kreml 2022 jyldyń aqpanynda «Kiev Batystyń qoldaýymen bastaǵan soǵysty aiaqtaý úshin qarýly kúshterdi qoldanýǵa májbúr boldy». Bul — Resei basshysynyń burynnan kele jatqan resmi ustanymy.
Resei prezidenti Donald Tramptyń qaqtyǵysty beibit jolmen retteýge «shynaiy ári baiypty kúsh salyp jatqanyn» atap ótti. Onyń sózinshe, tamyz aiynda Ankoridjde ótken sammitte taraptar Tramp usynǵan jospardy talqylap, «negizinen kelisimge kelgen».
