Úndistan men Pákistan ShYU-ǵa múshe bolý úshin barlyq sharttardy oryndap, qajetti protsedýralardy aiaqtady. Bul týraly búgin elordada ótip jatqan ShYU-ǵa múshe memleketter basshylary keńesiniń keńeitilgen otyrysynda Resei Prezidenti Vladimir Pýtin aitty, dep habarlaidy QazAqparat.
«Búgin ShYU jańa tolyq quqyly múshelermen tolyǵady. Bul memleketterdi qabyldaý protsesin iske qosý týraly sheshim Reseidiń tóraǵalyǵy kezinde 2015 jyly Ýfada ótken sammitte qabyldanǵan bolatyn. 2 jylǵa jetpeitin ýaqyttyń ishinde Úndistan men Pákistan barlyq sharttardy oryndap, qajetti protsedýralardy aiaqtady. Endigi ýaqyttaǵy bizdiń maqsatymyz jańa seriktesterdiń ShYU aiasyna beiimdelýine kómek kórsetý bolmaq», - dedi Vladimir Pýtin.
Ol ShYU-nyń keńeiýi onyń saiasi, ekonomikalyq jáne gýmanitarlyq salalardaǵy qýaty men yqpalynyń arta túsýine múmkindik beretinin aitty.
«Biz birlese otyrysyp Taiaý Shyǵystaǵy, onyń ishinde Siriiadaǵy óńirlik janjaldardy retteýdegi kúsh-jigerimizdi birlese otyryp jandandyratyndyǵymyzǵa senimdimin. Sońǵy ýaqytta siriialyq daǵdarystyń damýynda kóńilge senim uialatyn múmkindiktiń paida bolǵanyn atap ótkim keledi. Bul Resei, Túrkiia jáne Irannyń kómegimen osy jerde, Astanada Siriia boiynsha halyqaralyq kezdesýdiń bastalýymen tikelei bailanysty. Endi sonyń negizinde áskeri is-qimyldy toqtatýǵa jáne Jenevadaǵy kelissózder protsesine serpin berýge shynaiy múmkindik paida bolyp otyr», - dedi Pýtin.
