Qazaqstan Prezidentiniń berik ustanymynyń arqasynda qysqa merzimde eldegi jaǵdaidy baqylaýǵa alýǵa, zańdylyq pen tártipti qalpyna keltirýge múmkin boldy. Bul týraly Qazaqstan basshysy Qasym-Jomart Toqaevpen kelissózderden keiingi birlesken málimdemede RF Prezidenti Vladimir Pýtin aitty, dep habarlaidy QazAqparat.
«Qazaqstandaǵy qańtar oqiǵasynan keiin kózbe-kóz alǵash júzdesip otyrmyz. Atalǵan oqiǵa memlekettiń egemendigine, tutastyǵyna jáne turaqtylyǵyna budan buryn bolyp kórmegen syn-qaterdi tóndirdi. Shyn máninde, Qazaqstan lańkestik ozbyrlyqqa tap boldy, bul agressiia ishki ári syrtqy destrýktivti kúshterdiń tikelei qatysýymen jasaldy», - dedi Pýtin.
Osy oraida ol Qazaqstan Prezidenti Qasym-Jomart Toqaevtyń berik ustanymynyń arqasynda qysqa merzimde jaǵdaidy baqylaýǵa alýǵa, zańdylyq pen tártipti qalpyna keltirýge, qazaq jerine beibitshilikti qaitarýǵa múmkin bolǵanyn jetkizdi.
Sonymen qatar Vladimir Pýtin Ujymdyq qaýipsizdik týraly shart uiymy (UQShU) syn-qaterge tiimdi áreket etýge, múshe memleketterdiń qaýipsizdigi men múddelerin qorǵaý úshin bitimgerlik kúshterdi jumyldyrýǵa qaýqarly ekenin kórsetkenin atap ótti.
