Resei Prezidenti Vladimir Pýtin Shanhai yntymaqtastyq uiymy sammitine qatysý úshin elordaǵa keldi, dep habarlaidy "Ult aqparat".
Astana áýejaiyna kelip qonǵan Resei Prezidentin ushaqtan QR Premer-Ministriniń orynbasary - Aýyl sharýashylyǵy ministri Asqar Myrzahmetov, Astana qalasy ákiminiń orynbasary Malika Bekturova, Reseidiń Qazaqstandaǵy Tótenshe jáne ókiletti elshisi Mihail Bocharnikov jáne Vladimir Pýtinniń baspasóz hatshysy Dmitrii Peskov qarsy aldy.
Aita keterligi, ShYU sammiti barysynda Pákistan men Úndistan atalǵan uiymǵa múshelikke qabyldanady dep kútilýde. Osylaisha, ShYU jer turǵyndarynyń 40 paiyzyn, álem ekonomikasynyń shamamen úshten birin qamtityn bolady. Búginde uiymǵa Resei, Qytai, Qazaqstan, Qyrǵyzstan, Tájikstan jáne Ózbekstan elderi múshe. Qazirgi ýaqytta ShYU tóraǵasy - Qazaqstan. Erteńgi sammit barysynda tóraǵalyq Qytai tarapyna ótedi.
Buǵan deiin atalǵan halyqaralyq jiynǵa qatysý úshin Astanaǵa Aýǵanstan Prezidenti Ashraf Gani Ahmadzai, Mońǵoliia Prezidenti Tsahiagiin Elbegdorj jáne QHR Tóraǵasy Si Tszinpin, Ózbekstan Prezidenti Shavkat Mirzieev pen Pákistan Prezidenti Mamnýn Hýseinniń kelgenin habarlaǵan bolatynbyz.
