Astana qalasynyń Qazaqstannyń elordasy retinde qalyptasýy - Qazaqstannyń ǵana emes, búkil aimaqtyń ómirindegi jarqyn oqiǵa dep ataýǵa bolady. «Habar» arnasyndaǵy Erlan Bekhojinniń «Uly dalanyń astanasy» atty derekti filminde Resei Federatsiiasynyń prezidenti Vladimir Pýtin osylai dep atap ótti, dep habarlaidy QazAqparat tilshisi.
«Men Astanaǵa shamamen eki myńynshy jyldardyń basynda kelgen edim. Qalanyń qalai damyǵanyn, jańa táýelsiz ári egemen Qazaqstannyń qalai qalpyna keltirilgenin óz kózimmen kórdim desem de bolady. Álbette, kóptegen adamdar da biletin bolar. Áý basta bul qala shaǵyn keńestik qala bolatyn. Al sońǵy 20 jylda atqarylǵan jumystar - ǵajaiyp dep atamasańyz, Qazaqstannyń ǵana emes, búkil aimaqtyń ómirindegi jarqyn oqiǵa dep ataýǵa bolady», - deidi Resei Federatsiiasynyń prezidenti.
Vladimir Pýtinniń aitýynsha, Astana - táýelsiz memlekettiń maqtan tutarlyq ortalyǵyna ainalǵan.
«Astanadaǵy zamanǵa sai sáýlet pen ulttyq máner túiisedi. Ekinshiden, Astanada bári de jospar boiynsha damyp keledi. I Petr kezinde de Peterbýrg te osylai damyǵan bolatyn. Sebebi, qalanyń damý dańǵylyn kórikti ári úilesimdi etip jasarlyq barlyq jaǵdai bar. Sondyqtan, bul Astana - Qazaqstannyń úlken jetistigi dep oilaimyn. Árine, sondai-aq bul - Qazaqstan Prezidenti Nursultan Ábishuly Nazarbaevtyń orasan zor eńbeginiń jemisi», - dedi Vladimir Pýtin.
Aita ketsek, Erlan Bekhojinniń «Uly dalanyń astanasy» atty derekti filminde postkeńestik elderdiń basshylary Qazaqstan Prezidenti Nursultan Nazarbaev pen Astana qalasy týraly óziniń oi-paiymdarymen bólisken.
