Almatydaǵy Pediatriia jáne balalar hirýrgiiasy ǵylymi ortalyǵynyń pýlmonolog dárigeri Tatiana Marshalkina koronavirýs balalarǵa qanshalyqty qaýipti ekenin aityp berdi, dep habarlaidy QazAqparat.
– Tatiana Vasilevna, aityńyzshy, balalarǵa koronavirýstyq infektsiia qanshalyqty qaýipti?
«Balalar men jasóspirimder eresek adamdar siiaqty koronavirýspen aýrady. Sonymen qatar, olar infektsiiany tasymaldaýshy bolyp tabylady. Bala aǵzasy bul virýsty ońai jeńe alady. Eger balada sozylmaly nemese basqada infektsiialyq aýrý bolsa, onda KVI aýyr túrde ótýi múmkin.
– Qolda bar derekter boiynsha, aýrý belgileri kóbine qart adamdarda baiqalyp, olarǵa virýsty jeńý qiynǵa soǵady. Baqytymyzǵa orai, virýs balalarǵa olai áser etpeidi. Sebebi nede?
- Kez-kelgen virýstyń ómirlik belsendiligi jasýshaǵa engende ǵana bilinedi. Virýs organizmnen tys jerde ómir súre almaidy. Koronavirýstyń jasýshalarǵa enýi úshin ACE2 aqýyzy qajet. Dál osy aqýyz – koronavirýs infektsiiasynyń adam jasýshasyna kirýine múmkindik týdyrady. Bul aqýyzdyń belsendiligi adamnyń jasyna bailanysty ekeni belgili boldy. Adamnyń jasy neǵurlym úlken bolsa, belsendiligi de joǵarylai túsedi. Balalardyń tómengi tynys alý joldaryndaǵy ACE2 eresekterge qaraǵanda edáýir tómen ekendigi dáleldendi.
– Balalardaǵy koronavirýstyń negizgi belgileri qandai bolady?
–Koronavirýs infektsiiasy - bul jedel respiratorlyq virýstyq infektsiia jáne oǵan tán erekshe simptom joq. SOVID-19-dyń eń jii taraǵan belgilerine dene qyzýynyń joǵarylaýy, qurǵaq jótel jáne sharshaǵyshtyq jatady. Sirek belgilerine býyn men bulshyqetterdegi aýrý sezimi, murynnyń bitýi, bas aýrýy, koniýnktivit, tamaqtyń aýrýy, diareia, iis jáne dám sezýdiń joǵalýy, saýsaqtar men barmaqtar terisiniń túsiniń ózgerýi men bórtpelerdi jatqyzýǵa bolady. Bul belgiler kóbine eresek adamdarda kezdesedi. Balalardyń joǵarǵy tynys joldaryna áser etedi - bul muryn, aýyz jáne tamaq. Sondyqtan kóbinese sýyq tiiý belgilerine uqsas keledi. Balalarda iis pen dám sezbeý sirek kezdesedi.
–Jańa týǵan náresteler úshin COVID-19 qaýipti me?
–Jańa týǵan náresteler de koronavirýs juqtyrady. Bala kishkentai bolǵan saiyn qaýip sonshalyqty úlken. Óitkeni dúniege kelgen sábide KVI infektsiiasyna qarsy immýnitet joq. Kishkentai shaqalaqtardy túrli infektsiiadan anasynyń antideneleri qorǵaidy. Biraq koronovirýsqa qarsy anasynda antideneler qalyptaspaǵan.
–Dáriger retinde ata-analarǵa qandai keńes berer edińiz?
- Balalar úshin de, eresekter úshin de aldyn alý sharalary birdei: qol gigienasyn saqtaý, qoǵamdyq oryndarda, kóshede áleýmettik qashyqtyqty saqtaý, maska taǵý. Eń bastysy balaǵa túsindirý qajet. Infektsiia juqtyrǵan balalardyń kóbinde aýrý belgileri álsiz bilinedi, keide bilinbeýi de múmkin. Sondyqtan balalardy basqa adamdardan alys ustap, gigienasy men tazalyǵyna mán bergen jón. Ata-analarǵa aitarym balany úide óz betinshe emdeýge bolmaidy. Anitibiotikterdi tek dárigerdiń ruqsatymen ǵana berý qajet.
– Áńgimeńizge rahmet!
