AQSh Prezidenti Donald Tramp «Dorian» tropikalyq daýylynyń jaqyndap qalýyna bailanysty Pýerto-Rikoda tótenshe jaǵdai jariialady, dep habarlaidy QazAqparat.
Bul jóninde The Weather Channer tilshisi Raian Sloan Twitter-de jariialaǵan Aq úidiń baspasóz baianynda atap ótilgen.
«Prezident Donald Tramp Pýerto-Rikoda tótenshe jaǵdai ornaǵanyn málim etip, federaldyq jáne jergilikti vedomstvolarǵa «Dorian» tropikalyq daýylynyń saldaryn joiýǵa kómektesýge tapsyrma berdi», - delingen habarlamada.
Sondai-aq, Tramp AQSh Tótenshe jaǵdailar basqarmasy jónindegi federaldyq agenttikti tabiǵi apatqa bailanysty jergilikti halyqqa kómektesýge baǵyttalǵan barlyq kúshterdiń úilestirýshisi etip taǵaiyndady.
Daýyl aralǵa jaqyndaǵan sátte kúsh jinap alapat quiynǵa ainalady dep kútilýde. Jergilikti turǵyndar 2017 jyly bolǵan «Mariia» daýylynyń ákelgen aýyr zardaptaryn áli de umytqan joq. Ol kezde 300 adam kóz jumǵan edi, dep habarlaidy euronews.com.
Pýerto-Rikoda jáne kórshiles Dominakana Respýblikasynda tótenshe jaǵdai jariialandy.
Adamdar kólikterine janarmai quiyp, barlyq qajetti zattardy, sonyń ishinde generatorlardy satyp alyp jatyr.
Sinoptikterdiń málimetinshe, aptanyń aiaǵyna qarai surapyl daýyl Bagam araldary men Floridaǵa jetip qalýy múmkin.
