Elorda men Almatyǵa ushatyn jolaýshylar PTR testti memlekettik jáne jeke menshik zerthanalarda tapsyrýlaryna bolady. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Nur-Sultan, Almaty qalalaryna ushý úshin PTR test tapsyrý kerek. Bul test bir-aq ret tapsyrylady. Koronavirýspen aýyrmaitynyn rastaityn anyqtama jeti kúnge deiin jaramdy. Barǵan qalasynda jeti kúnnen artyq bógelmegen jolaýshy úshin osy anyqtama qaityp kelýge de jaramdy bolady. PTR testti memlekettik jáne jeke menshik zerthanalarda tapsyrýǵa bolady. Jeke menshik zerthanada PTR test baǵasy 19 -20 myń teńge aralyǵynda bolsa, memlekettik zerthanada 11500 teńge turady. Ondai zerthanalar árbir oblys, aýdan ortalyqtarynda bar», - deidi Kóliktegi taýarlar men qyzmetterdiń sapasy men qaýipsizdigin baqylaý departamentiniń basshysy Sádýaqas Baiǵabylov.
Kóliktegi taýarlar men qyzmetterdiń sapasy men qaýipsizdigin baqylaý departamentiniń sanitarlyq-karantindik pýnktteriniń basshysy Dariia Ázimbaevanyń aitýynsha, Nur-Sultan nemese Almatyǵa ushardan eki táýlik buryn COVID-9 bar-joǵyn anyqtaityn test tapsyrý kerek.
«Jeti kún ishinde baryp-kelip úlgeretin bolsa, atalǵan anyqtama eki jaqqa da jaramdy bolady», - deidi ol.
