Nur-Sultan qalasynyń Qoǵamdyq densaýlyq saqtaý basqarmasy basshysy Timýr Muratov PTR testileý tegin jasalatyn sanattardy aityp berdi, dep habarlaidy QazAqparat.
«Eger turǵyndardan jedel respiratorly virýsty infektsiia (JRVI) simptomdary baiqalsa, olarǵa PTR analiz tegin jasalady. Epidemiologiialyq kórsetkish boiynsha sol naýqastarmen bailanysta bolǵandarǵa da PTR synaǵy tegin jasalady. Sosyn aptasyna bir ret júkti áielderdi arnaiy tekserip otyramyz. Ol da tegin bolady. Qalǵan jaǵdaida eger adamdar ózi tekserilgisi kelse, shetelge shyǵatyn bolsa, eńbek demalysynan keiin jumysqa shyqsa, PTR synaqty óz qarajatyna tapsyrýy kerek», - dep túsindirdi T.Muratov Nur-Sultan ákimdiginde ótken brifingte.
Onyń aitýynsha, qala statsionarlarynda 204 naýqas em alýda. 560 tósek-oryn daiyndalyp, onyń 38 paiyzynda naýqastar jatyr.
COVID-19 úshin biomaterial jinaityn zerthanalar sany 16-ǵa deiin kóbeitildi, jalpy qýaty táýligine 11 myńnan astam zertteý júrgizýge jetedi.
