نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسى تيمۋر مۇراتوۆ پتر تەستٸلەۋ تەگٸن جاسالاتىن ساناتتاردى ايتىپ بەردٸ, دەپ حابارلايدى قازاقپارات.
«ەگەر تۇرعىنداردان جەدەل رەسپيراتورلى ۆيرۋستى ينفەكتسييا (جرۆي) سيمپتومدارى بايقالسا, ولارعا پتر اناليز تەگٸن جاسالادى. ەپيدەميولوگييالىق كٶرسەتكٸش بويىنشا سول ناۋقاستارمەن بايلانىستا بولعاندارعا دا پتر سىناعى تەگٸن جاسالادى. سوسىن اپتاسىنا بٸر رەت جٷكتٸ ەيەلدەردٸ ارنايى تەكسەرٸپ وتىرامىز. ول دا تەگٸن بولادى. قالعان جاعدايدا ەگەر ادامدار ٶزٸ تەكسەرٸلگٸسٸ كەلسە, شەتەلگە شىعاتىن بولسا, ەڭبەك دەمالىسىنان كەيٸن جۇمىسقا شىقسا, پتر سىناقتى ٶز قاراجاتىنا تاپسىرۋى كەرەك», - دەپ تٷسٸندٸردٸ ت.مۇراتوۆ نۇر-سۇلتان ەكٸمدٸگٸندە ٶتكەن بريفينگتە.
ونىڭ ايتۋىنشا, قالا ستاتسيونارلارىندا 204 ناۋقاس ەم الۋدا. 560 تٶسەك-ورىن دايىندالىپ, ونىڭ 38 پايىزىندا ناۋقاستار جاتىر.
COVID-19 ٷشٸن بيوماتەريال جينايتىن زەرتحانالار سانى 16-عا دەيٸن كٶبەيتٸلدٸ, جالپى قۋاتى تەۋلٸگٸنە 11 مىڭنان استام زەرتتەۋ جٷرگٸزۋگە جەتەدٸ.
