Almatyda PTR anyqtamasy joq 32 sheteldik deportatsiialandy, dep habarlaidy "Ult aqparat".
Koronavirýs infektsiiasynyń taralýynyń aldyn alý maqsatynda megapolistiń halyqaralyq áýejaiynda sanitarlyq-epidemiologiialyq baqylaý kúsheitildi.
Almatyda koronavirýstyń taralýyn boldyrmaý jónindegi shtabtyń deregi boiynsha 2020 jyldyń 6 qazanynan 2021 jyldyń 30 maýsymyna deiin qalanyń halyqaralyq áýejaiyna bortynda 424 799 jolaýshy bar 2935 reis kelgen. Onyń ishinde COVID-19 teris nátijesi bar anyqtamamen - 395 431, vaktsinalaný pasporttarymen - 3836, anyqtamasyz 25 532 adam boldy.
25500 adam karantindik statsionarǵa jatqyzyldy. Túrkiiadan (37), BAÁ-den (35), Egipetten (33), Belarýstan (5), Ýkrainadan (7), Maldivterden (4), Ońtústik Koreiadan (2), Maliden (1), Reseiden (1).
PTR anyqtamasy joq 32 sheteldik azamat Almaty áýejaiynan elderine qaitaryldy.
Eske salsaq, megapolistegi sanitarlyq-epidemiologiialyq ahýal mýtatsiialanǵan «delta» shtammynyń anyqtalýymen kúrdelene túsýde.
1 shildedegi jaǵdai boiynsha Almaty qalasynda koronavirýs infektsiiasynyń 74 306 jaǵdaiy tirkeldi, onyń 57 841-i simptomdy, 16 465-y simptomsyz, 1 993 jaǵdaiy anyqtalmaǵan pnevmoniia.
30 maýsymda koronavirýs infektsiiasynyń 305 jaǵdaiy tirkeldi, onyń 282-si simptomdy, 23-i simptomsyz. Táýliktik ósim - 0,4%. Reprodýktivti sany - 1,287.
29 maýsymdaǵy jaǵdai boiynsha zerttelgen synamalardaǵy úndi shtammynyń úles salmaǵy 78,3%.
Sondyqtan Almatydaǵy koronavirýstyń taralýyn boldyrmaý jónindegi shtab qala turǵyndary men qonaqtaryn maska rejimi men áleýmettik araqashyqtyqty qatań saqtaýǵa, adamdar kóp shoǵyrlanatyn oryndardan aýlaq bolýǵa shaqyrady.
Sonymen qatar, árkim ózi men jaqyndarynyń densaýlyǵyn saqtaý úshin vaktsina alǵandary jón.
