«Ulttyq saraptama ortalyǵy» jeke tulǵalar úshin PTR (polimerazdy tizbekti reaktsiia) ádisimen Sovid-19 koronavirýs infektsiiasyn testileýdi bastady, dep habarlaidy "Ult aqparat" ortalyqtyń baspasóz qyzmetine silteme jasap.
Testileý Qazaqstannyń barlyq oblys ortalyqtary men respýblikalyq mańyzy bar qalalarda ornalasqan Ulttyq saraptama ortalyǵynyń filialdarynda júrgiziledi.
PTR ádisimen Covid-2019 testiniń quny 11 500 teńge. Zertteý úshin biomaterial retinde muryn qýysy men jutqynshaq jaǵyndysy qoldanylady.
Test nátijesi 12 saǵattan 24 saǵatqa deiingi aralyqta beriledi. Nur-Sultan jáne Almaty qalalaryna áýe tasymaly arqyly saparlaryn josparlaǵan azamattar ushý kúninen keminde 2 kún buryn testileýden ótýi qajet. Covid-2019 juqpasynyń bolmaýy týraly anyqtama alǵan kúnnen bastap 7 kúnge jaramdy bolady. Test nátijeleri analiz tapsyrǵan jerden beriledi.
Testileýden ótý úshin azamattar jeke málimetterdi toltyryp, aldyn ala nce.kz saitynda tirkelýi qajet.
Sonymen qatar, filialdarǵa barǵan kezde meditsinalyq betperdeniń bolýy, qaýipsiz qashyqtyqty saqtaýy jáne belgilengen ýaqyttan keshikpeýi qajet kerek.
Taldaýdy qabyldaý aptasyna 7 kún, saǵat 8.30-dan 16.00-ge deiin (jergilikti ýaqyt boiynsha) júrgiziledi.
