QR Densaýlyq saqtaý ministriniń «Psihikalyq densaýlyq salasynda meditsinalyq-áleýmettik kómek kórsetýdiń keibir máseleleri týraly» buiryǵy jariialandy. Qujat Qazaqstan Respýblikasynyń elektrondy nysandaǵy normativtik quqyqtyq aktilerdiń etalondy baqylaý bankinde ornalastyrylǵan, dep habarlaidy QazAqparat.
Atalǵan buiryqqa sáikes, psihikalyq densaýlyq salasynda meditsinalyq kómek kórsetetin uiymǵa jiberilmeitin psihikalyq belsendi zattardy tutynýmen bailanysty psihikalyq, minez-qulyqtyq buzylýshylyqtary (aýrýlary) bar adamdarǵa qatysty meditsinalyq qarsy kórsetilimderdiń tizimi; psihikalyq, minez-qulyqtyq buzylýshylyqtary (aýrýlary) bar adamdarǵa dinamikalyq baiqaý, sondai-aq dinamikalyq baiqaýdy toqtatý qaǵidalary bekitiledi. Pihikalyq belsendi zatty tutyný faktisin jáne mas bolý kúiin anyqtaý úshin meditsinalyq kýálandyrý júrgizý qaǵidalary; jynystyq sáikestendirý buzylýlary bar adamdar úshin meditsinalyq kýálandyrý jáne jynysty aýystyrýdy júrgizý tártibi naqtylanady.
Munan bólek, sot qaýlysy boiynsha merziminen buryn emdeldi dep shyǵarylǵandardan basqa densaýlyq saqtaý salasynda meditsinalyq kómek kórsetýdiń májbúrli emdeýge arnalǵan uiymnan shyǵarylǵannan keiin májbúrli emdeýge ushyraǵan adamdardyń qoldaýshy emdeýden ótý qaǵidalary bekitiledi.
Buiryq alǵashqy resmi jariialanǵan kúninen keiin kúntizbelik on kún ótken soń qoldanysqa engiziledi.
