IBF jáne IBO nusqalary boiynsha orta salmaqtaǵy álem chempiony Gennadii Golovkinniń promoýteri Tom Leffler qazaqstandyq boksshy profi-bokstaǵy jolyn qalai bastaǵanyn eske aldy, dep habarlaidy "Ult aqparat" Sports.kz-ke silteme jasap.
«Gennadiige, onyń menedjerleri men jattyqtyrýshysyna onyń kimmen jekpe-jekke shyǵatyny báribir edi. Sońynda ol Eýropa chempiony, poliak Gjegoj Proksamen judyryqtasty. Golovkin HBO-da birden áserli aiqas ótkizdi. Onyń qupiialarynyń biri – ol ringke shyqqan saiyn jekpe-jegin jetildire túsip, alǵa qadam jasap otyrdy. Golovkin «Garden» men HBO-daǵy (telearna) alǵashqy kezdesýde qysym bolatynyn bildi, biraq erekshe perfomans kórsetti. Nátijesinde HBO jazylýshylarynyń bári ony taǵy da ringte kórgisi keldi. Kóptegen fanattar, tipti HBO adamdary da Qazaqstannyń qai jerde ekenin bilmedi. Gennadiidiń aǵylshyny da onsha emes edi», - dedi Leffler.
AQSh-taǵy alǵashqy aiqasyn Gennadii Golovkin (40-1-1, 35 KO) 2012 jyldyń 1 qyrkúieginde Gjegoj Proksaǵa (29-4, 21 KO) qarsy ótkizgen edi. Golovkin besinshi raýndta tehnikalyq nokaýtpen jeńiske jetip, WBA jáne IBO nusqalary boiynsha orta salmaqtaǵy álem chempiony belbeýlerin qorǵap qaldy.
