Foto: kazminerals.com
Prokýrorlar memleketke 8 mlrd teńgeniń salyǵyn qaitardy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
"Almaty qalasynyń prokýratýrasy taldaý barysynda «KAZ Minerals Aktogay» JShS-da salyqty tómendetý faktisin anyqtady. Atalǵan salyq tóleýshi jyl saiyn KAZ Minerals Aktogay Finance Limited holdingtik kompaniiasyna dividendter tólegeni belgili boldy.
Salyq zańnamasynyń talaptaryna sáikes qun ósiminen túsken tabystar, dividendter, syiaqylar, roialti tólem kózinen 15% mólsherlemesi boiynsha salyq salýǵa jatady. Alaida, salyq eseptiligin zertteý JShS-nyń 2018-2022 jyldar aralyǵynda jyl saiyn talap etiletin 15%-dyń ornyna 10% mólsherlemesi boiynsha salyq ustap, rezident emes mekemege qatysty syiaqy tólegenin kórsetti.
Prokýratýranyń talaby boiynsha salyq organy JShS qyzmetinde korporativtik tabys salyǵyn esepteý men tóleýdiń durystyǵyna tekserý júrgizdi. Atalǵan faktiler rastaldy, sondyqtan 8,2 mlrd teńge kóleminde qosymsha salyq esepteldi" - delingen vedomstvo habarlamasynda.
Salyq tóleýshi kórsetilgen somany memleket kirisine tolyq kólemde tólep, memleket múddesi qorǵalǵan.
