Foto: elements.envato.com
Prokýrorlar Qyzylordadaǵy kolledjdiń myńnan asa stýdentinen synama alyp, esirtkige synaq júrgizdi. Keibir stýdentterde synama oń nátije kórsetti, - dep habarlaidy Tengrinews.kz saity.
Qyzylorda oblysy prokýratýrasynyń baspasóz qyzmeti málimetinshe, óńirde jastar arasynda esirtkini erte jastan tutynýdy anyqtaý aiasynda tiisti jumystar júrgizilip jatyr.
"Qyzylordadaǵy kolledj stýdentteri arasynda narkologiialyq synama júrgizdik, barlyǵy 1022 narkologiialyq saraptama. Barlyǵy óz erkimen, ata-anasynyń jazbasha kelisimimen jasaldy. Onyń úsheýi oń nátije kórsetti. Biraq, dárigerlerdiń aitýynsha, olar emdelýdi qajet etpeidi jáne nashaqorlar sanatyna jatpaidy", - dedi vedomstvo baspasóz qyzmeti ókilderi.
Oblystyq psihikalyq densaýlyq ortalyǵy direktorynyń narkologiialyq qyzmet jónindegi orynbasary Gúlaiym Seilhanova bul úsh stýdent tekserilip, nátijesi alǵanyn túsindirdi.
"Qyzylordadaǵy kolledjderdiń 2 jáne 3-kýrs stýdentteriniń zárinen esirtkige qatysty taldaýlar alyndy, olardan esirtkini qoldanýdyń izi anyqtaldy. Narkologiialyq ortalyqtyń toksikologiialyq zerthanasy negizinde zárdi qaitalap tekserý kezinde bir stýdenttiń taldaýlary oń nátije berdi. Jigitte marihýana shegý arqyly esirtki qoldaný izderi bar. Ol ózi baiqap kórgenin moiyndady. Qalǵan ekeýinde teris nátije. Biz ony esepke qoiýǵa járdemdesý úshin oblystyq bilim basqarmasyna júgindik. Ázirge jaýap kelgen joq. Biraq, zań normalaryna sáikes, biz óz bastamamyzben, eger ol kámeletke tolmaǵan bolsa, balanyń zańdy ókilderiniń jazbasha kelisimimen nemese eresek adamnyń óziniń kelisimimen ǵana tirkei almaitynymyzdy atap ótkim keledi", - dedi Seilhanova.
