Belgili prodiýser Baian Maqsatqyzy professor dárejesin aldy. Bul týraly prodiýserdiń ózi áleýmettik jelidegi paraqshasynda jazdy, dep habarlaidy Sputnik.
"Asa qurmetti, Baian Maqsatqyzy! Respýblikalyq jeńil ónerkásip zertteý institýty ǵylymi keńestiń sheshimimen sizge "Menedjment professory" dárejesin berýdi uiǵardy. Diplomdy ázirleý úshin qajetti qujattar tizimin jiberip otyrmyz. Institýttyń bas direktory, professor Murat Myńbaev", — dep jazylǵan prodiýser bólisken sýrette.
Atalǵan sýret Whats App jelisine kelgen habarlamanyń skrinshoty bolsa kerek. Baian Alagózova óz kezeginde qýanyshty ekenin jetkizdi. Al jeli qoldanýshylarynyń pikiri ekige aiyryldy. Biri qýanyshty ekenin jazyp, quttyqtasa, ekinshisi prodiýserdiń mundai dárejege laiyq emestigin alǵa tartty.
"Baian Maqsatqyzy, jaraisyń! Alǵa", "Adamǵa beldemshesi jarasyp tursa, onyń uzyndyǵynyń mańyzy qandai? Mundai adamdar professor bolmaidy degen ereje bar ma?", "Quttyqtaimyn! Siz laiyqsyz!", "Buǵan tańǵalyp, tipti, ornymnan tura almai otyrmyn" dep jazdy jeli qoldanýshylary.
Arasynda institýt direktorynyń habarlamadaǵy qatesin betine basqandar da boldy. Ol prodiýserdiń ákesiniń esimin qate jazǵan.
