Prezidenttiń sybailas jemqorlyqqa qarsy bastamalaryn zańnamalyq turǵyda qamtamasyz etý mańyzdy. Memleket basshysynyń Joldaýyna qatysty pikir bildirgen Senat depýtaty Nurlan Qylyshbaev osyndai pikir bildirdi, dep habarlaidy "Ult aqparat".
«Prezident Qasym-Jomart Toqaevtyń Qazaqstan halqyna Joldaýynda aitylǵan mańyzdy baǵyttardyń biri – sybailas jemqorlyqqa qarsy kúres.
Prezident atap ótkendei, memlekettik organdardyń shaǵyn jáne orta biznes qyzmetine kez kelgen aralasýy memleketke qarsy jasalǵan aýyr qylmys retinde qaralatyn bolady.
Osy rette zańnamaǵa ózgerister engizý asa qajetti. Sybailas jemqorlyq qylmysyn jasaǵan adamdardy shartty túrde merziminen buryn bosatý úshin tosqaýyl qoiý, olar úshin memlekettik organdar men kvazimemlekettik sektorda jumys isteýge tyiym salý qajet.
Sondai-aq, Memleket basshysy aldyn alý sharalaryna, sybailas jemqorlyqqa jaǵdai týǵyzatyn faktorlardy joiýǵa erekshe nazar aýdarý qajettigin atap ótti. Sybailas jemqorlyqqa qatysty zań buzýshylyqtardyń basym bóligi kóleńkeli ekonomikadan keledi. Prezident atap ótkendei, JIÓ-niń úshten bir bóligi kóleńkeli sektorǵa tiesili. Kóleńkeli ekonomika problemasyn sheshý memleket biýdjetine qosymsha túsimderdi qamtamasyz etýge múmkindik beredi.
Q.Toqaev depýttardyń aldyna sybailas jemqorlyqqa qarsy kúrestiń zańnamalyq bazasyn qamtamasyz etý týraly naqty tapsyrma belgilep otyr», - dedi depýtat.
