Foto: ashyq derekkózden alyndy
Qazirgi ýaqytta Memleket basshysy bastaǵan aýqymdy ózgerister oryn alýda. Bul - jańa belesti baǵyndyrǵan tarihi ýaqyt boldy. Sonyń ishinde, mádeniet pen ideologiia salasynda úlken bastamalar qolǵa alynyp, «Ádiletti Qazaqstan» kontseptsiiasynyń is júzindegi tuǵyry aiqyndala bastady. Bul týraly Ortalyq kommýnikatsiialar qyzmeti alańynda ótken brifingte Mádeniet jáne aqparat ministri Aida Balaeva málimdedi.
Vedomstvo basshysy bul eń aldymen El Prezidentiniń naqty ári tiimdi sheshimderiniń arqasynda múmkin bolǵanyn atap ótti.
«Qasym-Jomart Kemelulynyń jyl basynan beri ártúrli halyqaralyq jáne respýblikalyq sharalardan bólek, qoǵam máselelerin erekshe qordalaǵan Ulttyq Quryltai men dástúrli Joldaýynda kótergen bastamalary salamyzǵa tyń serpilis berdi. Qalyptasqan rýhani, aqparattyq jaǵdaiǵa tikelei áser etetin birqatar mańyzdy ári qajetti zańdar men nomartivtik aktiler qabyldandy. Qoǵamnyń intellektýaldyq, shyǵarmashylyq, zaiyrly ortasyn kótermeleý maqsatynda Prezident tarapynan naqty qadamdar jasalyp, úlken motivatsiialyq qoldaý kórsetildi», - dedi ministr.
Onyń aitýynsha, bul baǵyttaǵy barlyq máseleni júieli ári tiimdi sheship otyrý úshin Memleket basshysy osy jyldyń qyrkúiek aiynda Mádeniet jáne aqparat ministrligin qaita qurý týraly saiasi sheshim qabyldady.
«Jalpy Ministrliktiń qyzmeti memleket pen qoǵam úshin aýqymdy, mańyzdy aqparat, mádeniet, azamattyq qoǵam, ultaralyq qatynas, din jáne jastarmen jumys siiaqty salalardy qamtidy», - dedi Balaeva.
