فوتو: اشىق دەرەككٶزدەن الىندى
قازٸرگٸ ۋاقىتتا مەملەكەت باسشىسى باستاعان اۋقىمدى ٶزگەرٸستەر ورىن الۋدا. بۇل - جاڭا بەلەستٸ باعىندىرعان تاريحي ۋاقىت بولدى. سونىڭ ٸشٸندە, مەدەنيەت پەن يدەولوگييا سالاسىندا ٷلكەن باستامالار قولعا الىنىپ, «ەدٸلەتتٸ قازاقستان» كونتسەپتسيياسىنىڭ ٸس جٷزٸندەگٸ تۇعىرى ايقىندالا باستادى. بۇل تۋرالى ورتالىق كوممۋنيكاتسييالار قىزمەتٸ الاڭىندا ٶتكەن بريفينگتە مەدەنيەت جەنە اقپارات مينيسترٸ ايدا بالاەۆا مەلٸمدەدٸ.
ۆەدومستۆو باسشىسى بۇل ەڭ الدىمەن ەل پرەزيدەنتٸنٸڭ ناقتى ەرٸ تيٸمدٸ شەشٸمدەرٸنٸڭ ارقاسىندا مٷمكٸن بولعانىن اتاپ ٶتتٸ.
«قاسىم-جومارت كەمەلۇلىنىڭ جىل باسىنان بەرٸ ەرتٷرلٸ حالىقارالىق جەنە رەسپۋبليكالىق شارالاردان بٶلەك, قوعام مەسەلەلەرٸن ەرەكشە قوردالاعان ۇلتتىق قۇرىلتاي مەن دەستٷرلٸ جولداۋىندا كٶتەرگەن باستامالارى سالامىزعا تىڭ سەرپٸلٸس بەردٸ. قالىپتاسقان رۋحاني, اقپاراتتىق جاعدايعا تٸكەلەي ەسەر ەتەتٸن بٸرقاتار ماڭىزدى ەرٸ قاجەتتٸ زاڭدار مەن نومارتيۆتٸك اكتٸلەر قابىلداندى. قوعامنىڭ ينتەللەكتۋالدىق, شىعارماشىلىق, زايىرلى ورتاسىن كٶتەرمەلەۋ ماقساتىندا پرەزيدەنت تاراپىنان ناقتى قادامدار جاسالىپ, ٷلكەن موتيۆاتسييالىق قولداۋ كٶرسەتٸلدٸ», - دەدٸ مينيستر.
ونىڭ ايتۋىنشا, بۇل باعىتتاعى بارلىق مەسەلەنٸ جٷيەلٸ ەرٸ تيٸمدٸ شەشٸپ وتىرۋ ٷشٸن مەملەكەت باسشىسى وسى جىلدىڭ قىركٷيەك ايىندا مەدەنيەت جەنە اقپارات مينيسترلٸگٸن قايتا قۇرۋ تۋرالى ساياسي شەشٸم قابىلدادى.
«جالپى مينيسترلٸكتٸڭ قىزمەتٸ مەملەكەت پەن قوعام ٷشٸن اۋقىمدى, ماڭىزدى اقپارات, مەدەنيەت, ازاماتتىق قوعام, ۇلتارالىق قاتىناس, دٸن جەنە جاستارمەن جۇمىس سيياقتى سالالاردى قامتيدى», - دەدٸ بالاەۆا.
