El Prezidenti Qasym-Jomart Toqaevtyń tapsyrmasy boiynsha Almaty qalasynyń ákimi Baqytjan Saǵyntaev ushaq apatynan zardap shekken balalarǵa bardy, dep habarlaidy "Ult aqparat".
Baqytjan Saǵyntaev ushaq apatynan zardap shekken toǵyz bala jatqan Balalar shuǵyl meditsinalyq járdem ortalyǵyna bardy.
Qala ákimi balalardyń jaǵdaiymen tanysyp, olarǵa Prezident Qasym-Jomart Toqaevtyń atynan jańajyldyq syilyqtar tapsyryp, olardyń tez saýyǵýyna tilek bildirdi.
Ortalyqtyń bas dárigeri Abai Qusaiynovtyń aitýynsha, alty bala intensivti terapiia bólimine jetkizildi. Olardyń jaǵdaiy ortasha aýyr deńgeide. Ekeýine emdeýdiń joǵary tehnologiialy zamanaýi ádisterin qoldana otyryp ota jasaldy. Ota jasalǵandardyń búgingi jaǵdaiy ortasha aýyr deńgeide.
Qazirgi ýaqytta balalardyń barlyǵy profilaktikalyq bólimge aýystyryldy. Onda olar qajetti meditsinalyq kómek alýda.
