Qasym-Jomart Toqaevtyń baspasóz hatshysy Berik Ýáli Prezidentke aqparattyq shabýyl jasalǵany týraly málimdedi. Onyń aitýynsha, keibir BAQ jazyp jatqandai Memleket basshysynyń shveitsariialyq bankte qarjylyq shoty joq, - dep habarlaidy "Ult aqparat".
"Keibir buqaralyq aqparat quraldary jazyp jatqandai Memleket basshysy Qasym-Jomart Toqaevtyń shveitsariialyq bankte qarjylyq shoty joq. Sondai-aq Prezidenttiń sheteldik bankter men ofshorlyq kompaniialarǵa da eshqandai qatysy bolmaǵan jáne shetelde jyljymaityn múlki de joq.
Qasym-Jomart Kemelulynyń burynǵy jubaiynyń da maqalada jazylǵandai eshqashan qarjylyq shoty bolmaǵan.
Timýr Toqaevqa keletin bolsaq, jasy 38-de. Ol – kásipker, eshqashan memlekettik qyzmette istemegen.
Ózderińiz bilesizder Prezident ekonomika men saiasattaǵy monopoliiany shekteýge, reformalardy júzege asyrýǵa kúsh salyp keledi. Bul Memleket basshysynyń osyndai sheshimderin jaqtamaityn adamdardyń ádeii taratyp jatqan feik aqparattyq shabýyly dep oilaimyn", - dep jazdy ol.
