QR Memlekettik hatshysy Erlan Qarin bir top mańǵystaýlyq turǵynnyń Prezidenttiń halyqqa úndeýin qalai qabyldaǵanyn aitty, dep habarlaidy QazAqparat tilshisi.
«Prezidenttiń úndeýin men Mańǵystaý oblysynda júrip tyńdadym. Esimde bir sát qalypty. Qatardaǵy politsiia ókilderi, qarapaiym turǵyndar, bárimiz jinalyp, teledidarǵa úńilgen edik. Demimizdi ishimizge tartyp, uiyp tyńdadyq. Sol kezde qasymdaǵy adamdarǵa qarap, kózderinen kóńilderine senim qalai uialap jatqanyn kórdim. Prezidenttiń «Memleket qulamaidy. Men astanada qalamyn» degen tanymal sózi bar ǵoi, osy sózder halyqty shabyttandyrdy. Men muny eshbir pafossyz, ideologiialyq maqsatpen nemese nasihat retinde aityp otyrǵan joqpyn. Men adamdardyń jan dúniesindegi sezimin, ózimniń kórgenimdi aityp otyrmyn. Senimdilikten bólek, naqty áreketterdiń josparyn, sheshimder týraly aitty. Memleket degenimiz osy. Bilik degen de osy», - degen Memlekettik hatshy osy oqiǵalardyń bári el azamattarynyń sanasynda memleket degen uǵymnyń jańa túsinigi qalyptasatynyn atady.
«Men azamattarymyzdyń sanasynda jalpy memlekettiliktiń máni týraly jańa túsinik bekidi dep oilaimyn. Memleket degen biz, memleket degen – judyryqtai jumylǵan azamattar. Buǵan deiin memleket degendi Úkimet, ákimdik siiaqty qandai da bir memlekettik organdar dep qabyldap kelgen shyǵarmyz. Osy kúnderi ákimdikter men politsiia organdary ǵimarattar basyp alynyp jatqan kezde memlekettiń simvoldary qulap jatqandai kórindi. Biraq memleket degen árqaisymyzdyń júregimizde, sanamyzda bolyp shyqty», - dedi Erlan Qarin.
